تعرفوا أحبائي .. أنا كل ما أطرح هنا في بوتقتي مهم للغاية..
واليوم عاد باغي أخبركم.. ليش يسموا الخادم في الإمارات بشكار.
القصة كالتالي
يحكى أنه من زمان واجد يعني في الستينيات والسبعينيات يوم كانت الإمارات مثل رمال آل وهيبة جاء رجل بريطاني الى دولة الامارات وتحديدا مدينة دبي
وبينما هو راكب سيارته يتجول في مناطق المدينة .. غرزت سيارته في الرمل ..مسكين تورط!!
وكما تعلمون في هذيك الايام الناس ما يعرفوا الكثير عن السيارات وبينما هو متورط .. قام يصارخ للعمال الهنود اللي كانوا قريبين من الموقع عشان يساعدونه ويقول
Come .....Push Car.... Push Car
وفعلا العمال ساعدوه ... وطلعت السيارة... وراح الانجليزي في حال سبيله ....
لكن الشياب اللي شهدوا الموقف من قريب..
تهامسوا وقال أحدهم .. اندوك أنته !!! ااششوو ها يا ريّال
سمعت العنجريزي يوم ينادي الخدام هذيلا
يسمونه بشكار .. بشكار يا بو مرهون
ومنذ ذلك اليوم وإلى يومنا هذا ((Push car)) كلمة بشكار
تطلق على الخدم في الامارات ومرادفها بشكاره للأنثى..
وعلو يو زماني
هناك 10 تعليقات:
لا أعلم يا صعلوك لماذا واجهة مدونتك الرئيسية لا أستطيع قراءة أي شيء فيها، أرجوك غير الألوان ياخي تراك ذبحتنا !!
اااااااااا بينا نغلط..
ياخي قشكول يو الكمبيوتر مالك شارب سمن عالريق .. ومتغنّه قت.. ما شغلي أنا..
عجب أنا أشوف واضح.. هىهىهىهى عندي كمبيوتر يشتغل على العلف.. ميد إن رسيل ..ما لعبة
اقول فشكول.. لا تفضحني في الحاره,, ترى والله ما عرف أغير شي البر... هذا واحد من اشباب الله يصرفه.. ملعوزني.. بقوله علشان يغير... بس قولي أي لون باغي..
عندنا اليوم طال عمرك 5 ألوان:
وردي
واقحواني
وارجواني
وفعواني
وزمزمي
اختار..
حلوه سالفة البشكار .. وكلام فشكول صحيح يا ابو الصعاليك او ما افتح مدونتك تكون غامضه وبعد فترة تبين تقول مركب ليت تيوبليت ،، للعلم القوطي مالي قصدي الكمبيوتر مالي قديم
اختار اللون السميتي
فصدي غامقه
وابوياااااااا أخيييه أخييييه
فعلا نستنجد من الحدوتة أياها بزوغ الفكرة القُمحزوية خلال مجتمعنا المشرئب (مثل الشوربة) بتفاصيل المعزبين مال أول (ولاد الحمرا)
فعلا .... مشرئب !!
عبد الواحد نعم كما خمبقتك انته ماحد صفها هنا !!! يصرف بليسك صرفه وعساه الملاريا!!!
الأمير الصغير نعم ونعم التشبيه، تيوبليت شروا ليت دكان بابوه القديم فالحاره !!
صعلوك انا ما يخصني يصرف شياطينك كلهم .. بس ابا اقرا حالي حال الخلق !!! نعم رفعتلي ضغطي تصرف تصرف ياخي !!!!
ايها ألامير الصغير The Young Prince.... شوووووووف انته اللغة
أهلا بك وسهلا.. وشكرا عالمرور.. قلت كمبيوترم قديم.. يعني ما مشكلتي.. روووح الستس سنتر واشتري لك قوطي نيدو وبتحصل هدية لاب توب..
تحياتي والتعديل قريبا
مستر عبد المتبصر واجد واجد ... مالك أبوي مشرئب اليوم واجد واجد.. أنا بصراحة ما فهمت من اللي قلته غير كلمة شوربة (ماغي).
وشكرا عالمرور... وعلى قولة طوق الياسمين (علا) اوين ارفع لك القبعة (بالعماني الكمة)
فشكوووووووووول.. أقول أخوي الشيمة لحقني.. مو أسوي؟
أنتو باغييني أغير صبغة السبلة.. وهذه يبغالها مقاول وتصريح بلدية لو اعتبرنا المسألة سبلة..
وإذا اعتبرناها سيارة تبغى تصريح من المرور.. وانا واسطتي الوحيدة عمار المعمري.. وشكله بيروح فيها..
شكرا عزيزي عالمرمر ..... ههههههه أوين المرمر.. اقصد المرور..
وانشاء الله أحصل مقاول يشوف لي هالمسأله.
تحياتي لكم .. وشوفوا التعليق القادم من الصميم
إرسال تعليق